Երևան, 17 փետրվարի 2011թ. Այսօր Երևանում ԵԱՀԿ աջակցությամբ կազմակերպված քննարկման առանցքում էին Հայաստանում կրոնի կամ դավանանքի ազատությունը կարգավորող օրենսդրական դաշտին առնչվող խնդիրները, ինչպես նաև օրենքի նախագծերի վերաբերյալ Վենետիկի հանձնաժողովի և ԵԱՀԿ / ԺՀՄԻԳ տրամադրած իրավական կարծիքը:

Գործընկերություն հանուն բաց հասարակության եւ ՄԱԿ-ի Հանրային տեղեկատվական վարչության երևանյան գրասենյակի հետ համատեղ կազմակերպված միջոցառմանը մասնակցեցին պետական կառույցների, քաղաքացիական հասարակության և կրոնական կազմակերպությունների, միջազգային հանրության ներկայացուցիչներ:
Միջոցառման մասնակիցները քննարկեցին Հայաստանում կրոնի կամ դավանանքի ազատության կարգավորման դաշտի մարտահրավերները և ներկայիս իրավիճակը, խղճի ազատության և կրոնական կազմակերպությունների մասին օրենքի, ինչպես նաև հարակից օրենքների վերջին փոփոխությունները, Վենետիկի հանձնաժողովի եւ ԵԱՀԿ / ԺՀՄԻԳ 2010 թ, միջանկյալ համատեղ եզրակացությունը, նաև 2009թ. համատեղ եզրակացությունը: