Գիտնականները, հնարավոր է, բացահայտել են գիտության մեծագույն գաղտնիքներից մեկը, այն է՝ ինչպես է կյանքն առաջացել Երկրի վրա։ Անտարկտիդայում գտնված երկնաքարի հետազոտությունների արդյունքում գտնվել են ծանրակշիռ վկայություններ ի նպաստ նրա, որ «շինարարական նյութը», որի շնորհիվ մեր մոլորակը դարձել է մարդաբնակ, բերվել է բաց տիեզերքից։

Ինչպես ասում են գիտնականները, «վաղ երիտասարդության» դարաշրջանում Երկիրը տիեզերքից «ռմբահարման է» ենթարկվել եւ երկնաքարերը տեղացել են անձրեւի նման։ Նրանք էլ ամեն այն հավանականությամբ, մոլորակ են բերել պարզունակ կյանք ստեղծելու համար անհրաժեշտ «աղյուսները», հայտնում է BBC-ն։