Փետրվարի 19-ին հանդիսատեսի դատին կհանձնվի «Եվրատեսիլ 2011»-ի հայաստանյան փուլի երգերի լավագույն քառյակը: Ինչպես հայտնել է «Եվրատեսիլ 2011» երգի մրցույթում Հայաստանի պատվիրակության ղեկավար Գոհար Գասպարյանը` Էմմին կկատարի այդ ստեղծագործությունները եւ հանդիսատեսն ու պրոֆեսիոնալ ժյուրին 50/50 հարաբերակցությամբ կընտրեն լավագույն երգը:

Ընտրված այդ երգով էլ Հայաստանը կներկայանա Եվրատեսիլի մրցույթին:

«Եվրատեսիլ 2011»-ը կայանալու է մայիսի 10-14-ը Գերմանիայի Դյուսելդորֆ քաղաքում:

Նշենք, որ հայաստանյան փուլի համար 70 երգ է ստացվել, որոնցից ընտրվել է լավագույն 15-ը, իսկ առաջիկա շաբաթվա ընթացքում ընտրվելու է լավագույն քառյակը: