ՀԱՅԷԿՈՆՈՄԲԱՆԿ ԲԲԸ-ն ՀՀ Աշխատանքի և սոցիալական հարցերի նախարարության հետ կնքված պայմանագրով գլխավոր գրասենյակի և բոլոր մասնաճյուղերի միջոցով իրականացնում է կենսաթոշակառուների  սպասարկումը:

Կենսաթոշակառուներին նշված ծառայությունը առավել արդյունավետ և բարձրորակ մատուցելու նպատակով` ՀԱՅԷԿՈՆՈՄԲԱՆԿ ԲԲԸ-ն Նատալի Ֆարմ դեղատների ցանցի հետ համատեղ թողարկեց կենսաթոշակային Արքա պլաստիկ քարտեր:

Քարտերը կենսաթոշակառուներին տրամադրվում են հետևյալ նպաստավոր պայմաններով.

- Հաշիվների բացում` անվճար
- Պլաստիկ քարտերի տրամադրում և սպասարկում` անվճար
- Հաշվի դրական մնացորդի վրա  հաշվարկվող տոկոսադրույք` տարեկան 5%
- Քարտային հաշվին թոշակի գումարի մուտքագրման մասին SMS հաղորդագրության ուղարկում` անվճար
- ՀԱՅԷԿՈՆՈՄԲԱՆԿ ԲԲԸ բանկոմատներից և ՊՈՍ տերմինալներից գումարների կանխիկացում` անվճար
- Նատալի Ֆարմ դեղատների ցանցից դեղորայքի ձեռքբերում 5% զեղչով:

ՀԱՅԷԿՈՆՈՄԲԱՆԿ ԲԲԸ-ն հետագայում ևս հետևողականորեն շարունակելու է պլաստիկ քարտերով ծառայությունների ընդլայնման քաղաքականությունը` ապահովելով հաճախորդներին միջազգային ստանդարտներին համապատասխան առաջնակարգ բանկային ծառայությունների մատուցում:

2011թ.-ի փետրվարի 16-ի դրությամբ ՀԱՅԷԿՈՆՈՄԲԱՆԿ ԲԲԸ ընդհանուր կապիտալը գերազանցում է 8.7 մլրդ դրամը, ընդհանուր ակտիվները կազմում են  մոտ 51.0 մլրդ դրամ, վարկային ներդրումները` ավելի քան 28.0 մլրդ դրամ, ֆիզիկական անձանց ավանդները` ավելի քան 8.0 մլրդ դրամ: Զբաղեցնելով Արքա պլաստիկ քարտերի շուկայի մոտ կեսը` բանկի գործող տեղական և միջազգային քարտերի քանակը կազմում է մոտ 115,000 հատ: Բանկն ունի 36 մասնաճյուղ Հայաստանի Հանրապետությունում և Արցախում: