Թուրքական Anadolu գործակալության փոխանցմամբ, վարչապետ Էրդողանը շահել է քրդական «Խաղաղություն ու ժողովրդավարություն» կուսակցության Շըրնաքի պատգամավոր Հասիփ Քափլանի դեմ դատը:
Անկարայի 7-րդ քաղաքացիական դատարանը գտել է, որ Քափլանը խախտել է Էրդողանի իրավունքները, ինչի համար էլ նրան պետք է վճարի 6000 թուրքական լիրա (շուրջ 4000 ամերիկյան դոլար) փոխհատուցում:

Նշվում է, որ իր ներկայացրած հայցում Էրդողանը պահանջում էր 20.000 թուրքական լիրա (շուրջ 13.000 ամերիկյան դոլար) փոխհատուցում:

Քուրդ քաղաքական գործչի դեմ դատական հայց ներկայացնելու հիմք է հանդիսացել այն, որ նա 2010 թվականի դեկտեմբերի 11-ին սուր քննադատության էր ենթարկել Էրդողանին` օգտագործելով նաև մի շարք ստորացուցիչ արտահայտություններ:

Հիշեցնենք, որ Թուրքիայում Էրդողանը վայեատական հայցերի մեծ սիրահարի համբավ: