Հետևեք լուրերին նաև Արմավիր News-ի կայքում:
Երևանի բռնցքամարտի մանկապատանեկան դպրոցը մարտի 10-ին անվանակոչվեց
Տեղադրվել է2:27 PM
ՀԱՕԿ նախագահ Գագիկ Ծառուկյանի նախաձեռնությամբ Երևանի բռնցքամարտի մանկապատանեկան դպրոցը մարտի 10-ին անվանակոչվեց օլիմպիական չեմպիոն Վլադիմիր Ենգիբարյանի անունով: Անվանակոչման հանդիսավոր արարողությանը մասնակցեց նաև ՀԱՕԿ նախագահ Գագիկ Ծառուկյանը: Վլադիմիր Ենգիբարյանի անվան մարզադպրոցի սաները պատվավոր հյուրերին աղուհացով դիմավորեցին:
Ողջունելով ներկաներին ՀԱՕԿ նախագահը ևս մեկ անգամ ընդգծեց Վլադիմիր Ենգիբարյանի մեծ վաստակը հայրենի սպորտի զարգացման գործում: «Մենք միշտ պետք է մեծարենք այն հայ մարզիկներին, ովքեր ձեռագիր են թողել հայկական սպորտում, որով մենք հպարտանում ենք»,-ելույթում նշեց ՀԱՕԿ նախագահը և պատրաստակամություն հայտնեց հաջորդ տարի մեծ շուքով Երևանում տոնելու օլիմպիական չեմպիոն Վլադիմիր Ենգիբարյանի 80-րդ տարեդարձը: