Կալիֆորնիայում հրուշակեղենի խանութի սեփականատերը չի կարողացել համոզել «Chase» բանկի տնօրինությանը` իրեն մի փոքր էլ ժամանակ տրամադրել պարտքը վերադարձնելու համար, եւ որոշել է վրեժ լուծել նրանցից:

Խանութպանը 650 հազար դոլարին համարժեք մետաղադրամներ է ներկայացրել` ցենտերով: Գումարն արկղերի մեջ դրած՝ նա գնացել է բանկ եւ գանձապահին առաջարկել հաշվել գումարը: Բանկի աշխատակիցները զարմանքից ապշել են, նրանցից ոչ ոք չի համաձայնել հաշվել այդքան քանակությամբ մետաղադրամները: Բանկի տնօրինությունը չի ընդունել բիզնեսմենի բերած փողը` պատճառաբանելով, թե մանրադրամի համար նախատեսված իրենց պահեստում տեղ չկա այդչափ գումարի համար: