Մարոկկոյի ընդդիմադիրները պատրաստվում են մարտի 20-ի հերթական հուժկու հանրահավաքին`իշխանություններից պահանջելով «վերջ տալ երկրում տիրող անարդարություններին և ժողովրդի իրավունքների ոտնահարմանը»: Հանրահավաքների ալիքը ընդդիմադիրներն անվանել են «Խաղաղ և քաղաքակիրթ պայքարի շղթա» և առաջիկա բողոքի ակցիան նույնպես այդ շղթայի «մասն է» կազմում: Մարտի 20-ի հանրահավաքում նախատեսվում է քննադատել մարտի 9-ին Մարոկկոյի թագավոր Մուհամմադ 6-րդի ուղերձը ժողովրդին, որով խոստացել էր անվերապահորեն սկսել սահմանադրական բարեփոխումներ: Ընդդիմությունը հայտարարում է, թե թագավորը չի կատարի իր խոստումները: