Արտառոց միջադեպ է գրանցվել Մոսկվայի կենտրոնական թաղամասերից մեկում, որտեղ ընթացել է «Ազգային պարի» երեկո: Ավելի քան հազար երիտասարդներ` հիմնականում Հյուսիսային Կովկասից, սկսել են փողոցի մեջտեղը լեզգինկա պարել, իսկ առավել «տաքգլուխներն» իրենց մոտ եղած զենքով օդ են կրակել: Ոստիկանները փորձել են խանգարել «մաուզերիստներին», սակայն սկսվել է փոխհրաձգություն, որի հետևանքով վիրավորվել է իրավապահներից մեկը: Միջադեպի մի քանի մասնակիցներ ձերբակալվել են, ընթանում է նախաքննություն: