Երեւանի քաղաքապետարանն արձագանքել է Երեւանի մետրոպոլիտենում վթարի մասին տեղեկատվությանը:

«Կարեն Դեմիրճյանի անվան մետրոպոլիտենի ղեկավարությունը տեղեկացնում է, որ մարտի 25-ին, ժամը 18:50-ի սահմաններում մետրոպոլիտենի «Բարեկմություն» կայարանում արձանագրվել է շարժակազմի վագոններից մեկի տեխնիկական անսարքություն:

Որեւէ վթարի, հրդեհի կամ այլ արտակարգ պատահարի մասին խոսք լինել չի կարող: Անսարք վագոնը տեղափոխվել է հավաքակայան: Այդ ընթացքում մետրոպոլիտենը կարճ ժամանակահատված աշխատել է միագիծ ռեժիմով, ինչի պարագայում ուղեւորափոխադրման համար որեւէ խոչընդոտ չի ստեղծվել:

Մետրոպոլիտենն աշխատում է բնականոն ռեժիմով եւ սահմանված չվացուցակով»,- ասված է քաղաքապետարանի մամուլի ծառայության հաղորդագրության մեջ:

Ավելի վաղ տեղեկություն էր տարածվել, որ Երեւանի մետրոյի աշխատանքը դադարեցվել էր ժամը 18:45-ին: Մասնավորապես, ուղեւորներին թույլ չեն տվել մտնել «Հանրապետության հրապարակ», «Մարշալ Բաղրամյան» եւ «Բարեկամություն» կայարաններ:
Մետրոպոլիտենի աշխատանքը վերականգնվել է ժամը 19:00-ին: