Հարրի Փոտերի գրքի հեղինակ բրիտանուհի Ջոան Ռոուլինգի մասին կնկարահանվի կենսագրական ֆիլմ։

Ֆիլմը կկոչվի «Տարօրինակ կախարդություն» (Strange Magic)։ Ռոուլինգի դերը կկատարի ավստրալացի դերասանուհի Փոփի Մոնտգոմերին։

«Տարօրինակ կախարդություն» ֆիլմը լայն վարձույթում չի հայտնվի. այն պատրաստում են ցուցադրել հեռուստաէկրաններին։
Ֆիլմի նկարահանումները կկատարվեն Կանադայում։ Կինոնկարի հեղինակների խոսքերով՝ այստեղ հայտնաբերվել է մի կառույց, որը չափազանց նման էր Էդինբուրգում Ռոուլինգին պատկանող տանը, որտեղ նա հաճախ աշխատում էր Հարրի Փոտերի մասին վեպերի վրա։