Հարավկորեական Samsung Group-ը ծրագրում է 2020 թվականին հասույթը հասցնել 50 տրլն վոնի (43,3 մլրդ դոլար): Այդ մասին հաղորդել է Reuters գործակալությունը` վկայակոչելով Samsung Electronics Co Ltd. խմբի հիմնական ստորաբաժանումներից մեկի ղեկավարին: Samsung-ը` Հարավային Կորեայի խոշորագույն կոնգլոմերատը, որը ներառում է գրեթե 70 տարբեր ընկերություններ, պատրաստվում է առաջիկա տասնամյակում 30 տրլն վոն ներդնել արեգակնային մարտկոցների, նոր սերնդի դիսփլեյների եւ բժշկական սարքավորման արտադրության ստորաբաժանման մեջ:

Samsung Electronics-ի ղեկավար Չո Գի-սանգը հայտարարել է, որ 2020 թվականին այդ ստորաբաժանումը ծրագրում է վաճառքները հասցնել 400 մլրդ վոնի, ինչը կրկնակի ավելի է, քան ընթացիկ տարում: Նշենք, որ չիփերի համաշխարհային գների վերականգնման շնորհիվ Samsung-ը 2009 թվականին ռեկորդային շահույթ է ստացել 136 տրլն վոնի չափով: Այս արդյունքը կոնցեռնին թույլ է տվել շրջանցել ամերիկյան Hewlett-Packard Co-ին եւ դառնալ աշխարհի խոշորագույն տեխնոլոգիական ընկերությունը: