Այսօր կորոշվի Հայ Ազգային Կոնգրեսի ակտիվիստ Սամսոն Խաչատրյանի նկատմամբ կկիրառվի՞ երկամսյա կալանք, թե ոչ:

«Քննիչը դիմել է դատարան, սակայն ժամի մասին դեռ ոչինչ հայտնի չէ, երեւի կես ժամից կլինի»,- այդ մասին  հայտնեց նրա պաշտպան Արա Զաքարյանը:

Այժմ աշխարհի գավաթակիր, Եվրոպայի կրկնակի եւ ԽՍՀՄ բազմակի չեմպիոն Սամսոն Խաչատրյանը փորձագիտական կենտրոնում է, սակայն հրաժարվել է դատաբժշկական փորձաքննությունից:

Նա կասկածվում է Քրեական օրենսգրքի 316 հոդվածի 1-ին մասի հատկանիշներով` իշխանության ներկայացուցչի նկատմամբ կյանքի կամ առողջության համար ոչ վտանգավոր բռնություն գործադրելը:

Հիշեցնենք, մարտի 13-ին «Դինամո» մարզադաշտի մոտից բերման էին ենթարկել ոստիկանության Կենտրոնի բաժին:

Այժմ Հայ Ազգային կոնգրեսի ակտիվիստը ձերբակալվածների ժամանակավոր պահման մեկուսարանում է: