Ճապոնիայում նոր ստորգետնյա ցնցումներ են արձանագրվել
Տեղադրվել է3:03 PM
Ինչպես փոխանցում է «Ռոյթերս» գործակալությունը, այս մասին հաղորդագրություն է տարածել ԱՄՆ երկրաբանական ծառայությունը:
Ըստ տեղեկատվության, նախորդ ուրբաթից մինչ օրս երկրի արևելյան հատվածում սա 5 մագնիտուդից բարձր արդեն 260-րդ ստորգետնյա ցնցումն է: Երկրաշարժից հետո ցունամիի վտանգ չի հայտարարվել:
Միևնույն ժամանակ, ինչպես հաղորդում են միջազգային լրատվամիջոցները, հղում անելով ճապոնական ոստիկանությանը, մարտի 11-ին Ճապոնիայում տեղի ունեցած ուժգին երկրաշարժի ու դրան հետևած ցունամիի զոհերի թիվը հասել է 7,197-ի: Մինչ օրս անհետ կորած է համարվում 10,905 մարդ: Բնական աղետների պատճառով իրենց տներն են լքել 387 հազար ճապոնացի: Տարբեր գնահատականներով, երկրաշարժերի արդյունքում երկրի տնտեսությանը հասցվել է մոտ 160 մլրդ դոլարի վնաս: