Ֆոտոլրագրող Գագիկ Շամշյանին  Շտապ օգնության ծառայության մեքենայով տեղափոխել են Նաիրի բժշկական կենտրոն, որտեղ նա գտնվում է բուժհասստատության վերակենդանացման բաժնում:

Չնայած առողջական բարդություններին /գերհոգնածության ախտանիշներ,  ընդհանուր թուլություն, կոկորդի ցավ/ մեր գործընկերը  վերջին օրերին, ինչպես միշտ,  անդադար աշխատում էր` տեղեկատվություն տրամադրելով  արտակարգ պատահարների ու վթարների մասին:

Առավոտյան Գագիկ Շամշյանի առողջական վիճակը կտրուկ վատացել է ու նրան ստիպված են եղել տեղափոխել հիվանդանոց, որտեղ ֆոտոլրագրողը գտնվում է բժիշկների հսկողության ներքո:

Հետազոտության արդյունքները պարզ կլինեն չորեքշաբթի: