Facebook սոցիալական ցանցի վիճակագրությունը ցույց է տալիս, որ Հայաստանից ցանցին միացած են 135.1 հազ. օգտագործողներ։

Facebook-ցիների ընդհանուր թվաքանակով Հայաստանն աշխարհի 213 երկրների շարքում 123-րդն է:

Հայկական Facebook-ում կանայք կազմում են օգտագործողների գերակշիռ մասը` 53 տոկոսը, իսկ տղամարդիկ` 47 տոկոսը:

Հայաստանի բնակչության շրջանում Facebook-ի ներթափանցության գործակիցը գնահատվում է 64.90 տոկոս: Հայաստանից Facebook օգտագործողների մեծամասնությունը 18-24 տարեկաններն են (44 տոկոս), այնուհետեւ 25-34 տարիքային խումբն է (32 տոկոս), 35-44 տարեկանները՝ (8 տոկոս) եւ այլն։ 65-ից բարձր տարիքային խմբում սոցիալական ցանցից օգտագործողները Հայաստանի ընդհանուր օգտագործողների 1 տոկոսն են կազմում։

213 երկրների շարքում Թուրքիան 4-րդ հորիզոնականում է, համաշխարհային ցանցին Թուրքիայից միացած են 26, 4 մլն օգտագործող։

Վրաստանը գտնվում է 87-րդ տեղում՝ 516 300 օգտագործող։

Ադրբեջանը գտնվում է 96-րդ տեղում՝ 324 880 օգտագործող։

Նոյեմբերին Հայաստանից Facebook օգտագործողների թիվը կազմում էր ավելի քան 100 հազար, իսկ 2010-ի մայիսին այդ թիվը չէր անցնում 55 հազարը։